Գվարդիոլա․ Հոլանդը երջանիկ է «Մանչեսթեր Սիթիում», «Ռեալի» հետ կապված կետ չկա նրա պայմանագրում

11:06   6 հոկտեմբերի, 2022

Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան մեկնաբանել է 5:0 հաշվով հաղթանակը դանիական «Կոպենհագենի» նկատմամբ, նաեւ հերքել է լուրերը, թե թիմի նորեկ, 22-ամյա նորվեգացի հարձակվող Էրլինգ Հոլանդի պայմանագրում կա կետ, որը վերաբերում է Մադրիդի «Ռեալ» նրա հնարավոր տեղափոխության հետ։

«Գերազանց արդյունք է, տպավորված եմ մեր հարձակումից։ Շատ գոհ եմ։ Մենք կենտրոնացած էինք, եւ բոլորը ցուցադրեցին առավելագույնը։

Էրլինգ Հոլանդն անհավանական երջանիկ է «Մանչեսթեր Սիթիում»։ «Ռեալի» հետ կապված կետ չկա նրա պայմանագրում։ Դա սուտ է»,- Գվարդիոլայի խոսքը մեջբերում է BBC-ն։

Հոլանդն այս ամռանն է Դորտմունդի «Բորուսիայից» տեղափոխվել «Մանչեսթեր Սիթի»՝ կնքելով 5 տարվա պայմանագիր։ Ոչ պաշտոնական տվյալներով՝ 2024թ․ ամռանը անգլիական ակումբը պարտավոր կլինի վաճառել Հոլանդին, եթե ստանա 150 միլիոն եվրոյի առաջարկ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։