«Չելսին» մտադիր է ձեռք բերել Ռոնալդուին
18:56 4 հոկտեմբերի, 2022«Չելսիի» ամերիկացի սեփականատեր Թոդ Բոուլին ցանկանում է լոնդոնյան ակումբում տեսնել «Մանչեսթեր Յունայթեդի» 37-ամյա հարձակվող Կրիշտիանու Ռոնալդուին, որի տեղափոխությանը ամռանը դեմ էր թիմի նախկին գլխավոր մարզիչ, գերմանացի Թոմաս Տուխելը։
Թոդ Բոուլին հունվարյան տրանսֆերային պատուհանի ժամանակ կփորձի իրականացնել Ռոնալդուի տրանսֆերը, հաղորդում է The Telegraph-ը։
Մանչեսթերյան ակումբը դեմ չէ Ռոնալդուի հեռանալուն։ Հոլանդացի Էրիկ տեն Հագի գլխավորած թիմում պորտուգալացի ֆուտբոլիստն այս մրցաշրջանում դուրս է մնացել մեկնարկային կազմից։
Ռոնալդուի պայմանագիրը «Մանչեսթեր Յունայթեդի» հետ նախատեսված է մինչեւ այս մրցաշրջանի ավարտը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։