Չավի․ Մեսին իմ ընկերն է, «Բարսելոնան» նրա տունն է
23:03 3 հոկտեմբերի, 2022Իսպանիայի փոխչեմպիոն «Բարսելոնայի» իսպանացի գլխավոր մարզիչ Չավին խոսել է թիմի նախկին խաղացող, Ֆրանսիայի չեմպիոն ՊՍԺ-ի 35-ամյա արգենտինացի հարձակվող Լիոնել Մեսիի հնարավոր վերադարձի մասին։
«Լեոն իմ ընկերն է, «Բարսելոնան» նրա տունն է, բայց հիմա նրա վերադարձի մասին խոսելու ժամանակը չէ։ Մեսին իրեն լավ է զգում Փարիզում, մենք էլ մեր կազմի հետ կապված խնդիր չունենք։ Մեսին հանգիստ կկատարի իր աշխատանքը Փարիզում, հետո կտեսնենք»,- Չավիի խոսքը մեջբերում է Marca-ն։
Մեսիի պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։ «Բարսելոնայում» հույս ունեն, որ Մեսին հաջորդ ամռանն ազատ գործակալի կարգավիճակում անվճար կմիանա Չավիի գլխավորած թիմին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։