Ռոնալդուն դիմել է հոգեբանի օգնության

15:53   3 հոկտեմբերի, 2022

Համաշխարհային ճանաչում ունեցող հոգեբան Ջորդան Փիթերսոնը հայտնի բրիտանացի Փիրս Մորգանի թոք-շոուի ժամանակ պատմել է, որ անգլիական «Մանչեսթեր Յունայթեդի» 37-ամյա պորտուգալացի հարձակվող Կրիշտիանու Ռոնալդուն դիմել է իրեն հոգեբանական օգնության, փոխանցում է Goal.com-ը։

«Կրիշտիանու Ռոնալդուն ինձ հրավիրեց իր առանձնատուն։ Մի քանի ամիս առաջ նրա կյանքում լուրջ հոգեբանական խնդիրներ կային։ Նրա ընկերը իմ տեսանյութերից մի քանիսն էր ուղարկել Ռոնալդուին, որը նաեւ իմ գրքերից մեկն էր կարդացել եւ ցանկացել էր զրույցել իմ հետ։

Ես ընդունեցի հրավերը։ Մենք զրուցեցինք մոտ երկու ժամ նրա ցանկությունների, նպատակների եւ բարդությունների մասին»,- պատմել է Ջորդան Փիթերսոնը։

Անգլիայի ընթացիկ առաջնությունում Ռոնալդուն դեռ ոչ մի գոլ կամ գոլային փոխանցում չի կատարել։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։