«Մանչեսթեր Սիթին» 6:3 հաշվով հաղթեց «Մանչեսթեր Յունայթեդին» (ֆոտո, վիդեո)

18:50   2 հոկտեմբերի, 2022

Անգլիայի առաջնության 9-րդ տուրում չեմպիոն «Մանչեսթեր Սիթին» ընդունեց «Մանչեսթեր Յունայթեդին»։ Կատալոնացի Խոսեպ Գվարդիոլայի գլխավորած թիմը հաղթեց 6:3 հաշվով։ 

«Մանչեսթեր Սիթիից» երեքական գոլ խփեցին 22-ամյա անգլիացի կիսապաշտպան Ֆիլ Ֆոդենն ու 22-ամյա նորվեգացի հարձակվող Էրլինգ Հոլանդը, որը նաեւ երկու գոլային փոխանցում կատարեց Ֆոդենին։ Հոլանդին երկու գոլային փոխանցում կատարեց բելգիացի կիսապաշտպան Կեւին Դե Բրույնեն։

«Մանչեսթեր Յունայթեդից» աչքի ընկավ բրազիլացի կիսապաշտպան Անտոնին, իսկ ֆրանսիացի հարձակվող Անտոնի Մարտիալը դարձավ դուբլի հեղինակ։

8 խաղից հետո «Մանչեսթեր Սիթին» 20 միավորով երկրորդն է եւ 1 միավոր է հետ առաջատար «Արսենալից» (8 խաղ)։ «Մանչեսթեր Յունայթեդը» (7 խաղ) 6-րդն է՝ 12 միավոր

Անգլիայի առաջնություն, 9-րդ տուր

«Մանչեսթեր Սիթի» - «Մանչեսթեր Յունայթեդ»՝ 6:3 (տեսանյութ)

Ֆիլ Ֆոդեն, 8, 44, 73, Էրլինգ Հոլանդ, 34, 37, 64  -  Անտոնի, 56, Անտոնի Մարտիալ, 84, 90, 11մ



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։