ATP-250. Նովակ Ջոկովիչը դուրս եկավ եզրափակիչ
23:04 1 հոկտեմբերի, 2022Աշխարհի 7-րդ ռակետ Նովակ Ջոկովիչը դուրս եկավ Թել Ավիվում (Իսրայել) անցկացվող ATP-250 շարքի մրցաշարի եզրափակիչ։ Սերբ թենիսիստը մրցեց ռուսաստանցի Ռոման Սաֆիուլինի հետ եւ հաղթանակ տարավ 6:1, 7:6 (7:3) հաշվով։ Պայքարը տեւեց 1 ժամ եւ 36 րոպե։
Եզրափակիչում Նովակ Ջոկովիչի մրցակիցը կլինի ֆրանսիացի Կոնստան Լետիենի եւ խորվաթ Մարին Չիլիչի դիմակայության հաղթողը։
Ջոկովիչը Թել Ավիվի մրցաշարում պարտության էր մատնել նաեւ իսպանացի Պաբլո Անդուխարին եւ կանադացի Վաշեկ Պոսպիշիլին։
Թել Ավիվի մրցաշարի մրցանակային հիմնադրամը 949 հազար դոլար է։ Եզրափակիչը տեղի կունենա հոկտեմբերի 2-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։