Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպը խոսել է հագեցած օրացույցի մասին։
«Չգիտեմ՝ ինչպես կազդի աշխարհի առաջնությունը Անգլիայի Պրեմիեր լիգայի վրա։ Նրանք կվերադառնան եւ մեկ շաբաթվա հանգստից հետո կվերսկսի Անգլիայի առաջնությունը, բայց սովորաբար խոշոր մրցաշարից հետո ֆուտբոլիստը հանգստանում է 2-3 շաբաթ։ Եթե ֆուտբոլիստը խաղա եզրափակիչում, նա հանգստի մի քանի օր կունենա։
Իսկապես, շատ երկար ու հագեցած մրցաշրջան է։ Չեմ կարծում, որ լավ գաղափար է, բայց ունենք այն, ինչ ունենք։
Առաջիկա 6 շաբաթը շատ կարեւոր կլինի մեր թիմի համար։ Այնքան էլ հաջող չենք սկսել մրցաշրջանը՝ բացատրելի եւ անբացատրելի պատճառներով։ Դա արդեն անցյալում է։ Հիմա պետք է նորից սկսել եւ մինչեւ աշխարհի առաջնություն միավորներ վաստակել»,- Կլոպի խոսքը մեջբերում է BBC-ն։
Անգլիայի առաջնության 6 խաղից հետո «Լիվերպուլը» 9 միավորով 8-րդն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։