Շախմատի միջազգային ֆեդերացիան պաշտոնական հայտարարությամբ հաստատել է, որ կհետաքննի 19-ամյա ամերիկացի շախմատիստ Հանս Նիմանի կողմից հնարավոր խարդախության մասին աշխարհի չեմպիոն Մագնուս Կարլսենի հետ պարտիայում։
Շախմատի միջազգային ֆեդերացիայի արդար խաղի հանձնաժողովը ստեղծել է հետաքննող խումբ, որը արտաքին փորձագետների օգնությամբ կվերլուծի պարտիան, հաղորդում է կազմակերպության մամուլի ծառայությունը։
Խումբը կհետաքննի նաեւ Մագնուս Կարլսենի հայտարարությունը, որով նա կասկած էր հայտնել, թե Սենթ Լուիսում տեղի ունեցած պարտիայում Նիմանն արտասովոր արագ առաջընթաց է ունեցել եւ հասել հաղթանակի։ ՖԻԴԵ-ն գնահատական կտա նաեւ Նիմանի հայտարարություններին պատանեկան տարիքում օնլայն պարտիաներում հուշումներից օգտվելու մասին։
ՖԻԴԵ-ն կձգտի արդար եւ անաչառ հետաքննությամբ պաշտպանել երկու կողմերի իրավունքները։
Հիշեցնենք, որ սեպտեմբերին ԱՄՆ-ի Սենթ Լուիս քաղաքում անցկացված Grand Chess Tour-ի փուլում Նիմանին պարտվելուց հետո Կարլսենը լքել էր մրցաշարը, իսկ այս ամիս Julius Baer Generation Cup օնլայն մրցաշարի նախնական փուլում Նիմանի հետ պարտիայում մեկ քայլ կատարելուց հետո հանձնվել էր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։