Ֆրանսիայի չեմպիոն ՊՍԺ-ն նոր պայմանագիր է առաջարկել 35-ամյա արգենտինացի հարձակվող Լիոնել Մեսիին, հաղորդում է El Larguero-ն։
Փարիզյան ակումբը ցանկանում է երկարաձգել համագործակցությունը Մեսիի հետ մինչեւ 2024թ․ հունիս հետագայում եւս մեկ տարով երկարաձգելու հնարավորությամբ։ Նրա գործող պայմանագիրը նախատեսված է մինչեւ այս մրցաշրջանի ավարտը։
Մեսին 2021թ․ ամռանն է «Բարսելոնայից» տեղափոխվել ՊՍԺ։ Ավելի վաղ իսպանական մամուլը գրել էր, որ ֆուտբոլիստը մտադիր է հաջորդ ամռանն ազատ գործակալի կարգավիճակում վերադառնալ կատալոնական ակումբ։
Ֆրանսիայի ընթացիկ առաջնությունում Մեսին մասնակցել է 8 հանդիպման, խփել 4 գոլ, կատարել 7 գոլային փոխանցում։ Չեմպիոնների լիգայի երկու խաղում նա խփել է մեկ գոլ, կատարել նույնքան գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։