Փարիզ-2024․ Փոփոխություններ ըմբշամարտի մրցաշարի ուղեգրերի բաշխման գործընթացում
20:19 29 սեպտեմբերի, 2022Ըմբշամարտի միջազգային ֆեդերացիան հաստատել է Փարիզի Օլիմպիական խաղերի ուղեգրերի բաշխման գործընթացը:
Նախաօլիմպիական աշխարհի առաջնությունում նախկին 6 ուղեգրի փոխարեն կխաղարկվի 5-ը, հաղորդում է ՀԸՖ-ի մամուլի ծառայությունը:
Ուղեգրեր կնվաճեն 4 մեդալակիրները և բրոնզե մեդալի համար գոտեմարտում պարտված ըմբիշներից մեկը: Նրանք ևս մեկ գոտեմարտ կանցկացնեն և հաղթողը կնվաճի 5-րդ ուղեգիրը:
Մայրցամաքային վարկանիշային մրցաշարերում փոփոխություններ չկան: Ուղեգիր են նվաճում եզրափակիչի մասնակիցները:
Համաշխարհային վարկանիշային մրցաշարում նախկինում ուղեգրեր էին նվաճում միայն եզրափակչի մասնակիցները, հիմա բրոնզե մեդալակիրը ևս հնարավորություն կունենա ուղևորվել Փարիզ: Այստեղ երկու բրոնզե մեդալակիրները կպայքարեն և լավագույն երրորդ տեղը գրավածը կնվաճի քաշային կարգի երրորդ ուղեգիրը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։