Արգենտինայի հավաքականի գլխավոր մարզիչը Ֆեդերերին համեմատել է Մեսիի հետ

12:14   29 սեպտեմբերի, 2022

Արգենտինայի հավաքականի գլխավոր մարզիչ Լիոնել Սկալոնին Ֆրանսիայի չեմպիոն ՊՍԺ-ի 35-ամյա արգենտինացի հարձակվող Լիոնել Մեսիին համեմատել է աշխարհի նախկին առաջին ռակետ, շվեյցարացի թենիսիստ Ռոջեր Ֆեդերերի հետ, որը 40 տարեկանում ավարտեց պրոֆեսիոնալ կարիերան։

«Երբ Ֆեդերերը հայտարարեց կարիերան ավարտելու մասին, բոլորը ցնցված էին, քանի որ հասկանում էին՝ այլեւս չեն տեսնի նրա խաղը, որը հրաշալի էր։ Շատերը կցանկանային անվերջ վայելել նրա գեղեցիկ խաղը։

Նույնը կլինի Մեսիի հետ, երբ նա հայտնի հեռանալու մասին։ Ցնցումն ավելի մեծ կլինի, քանի որ ֆուտբոլն ավելի հզոր է։ Հիմա պետք է հասցնել վայելել Մեսիի խաղը»,- Սկալոնիի խոսքը մեջբերում է Foot Mercato-ն։

Արգենտինայի հավաքականը հաջորդ հանդիպումը կանցկացնի աշխարհի առաջնությունում՝ նոյեմբերի 22-ին խմբային փուլի առաջին խաղում մրցելով Սաուդյան Արաբիայի թիմի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։