ԵԱ․ Հայաստանի 4 բռնցքամարտիկ մեկնարկել է հաղթանակով
21:02 28 սեպտեմբերի, 2022Իտալիայում ընթացող բռնցքամարտի ավագ տարիքի պատանիների Եվրոպայի առաջնությունում հաղթանակներով են մեկնարկել Հայաստանի ներկայացուցիչները, հաղորդում է ՀԲՖ-ի մամուլի ծառայությունը։
Մեկնարկային օրը Հայաստանի 5 մարզիկներից 4-ը հաղթանակ են տարել: 57 կգ քաշային Անդրանիկ Մարտիրոսյանը հաղթել է Ալբանիայի ներկայացուցչին: Երրորդ ռաունդում հայ մարզիկի հարվածից հետո մրցավարը հաշիվ է բացել ու դադարեցրել մենամարտը:
Գեղեցիկ հաղթանակ է տարել նաև 66 կգ քաշային Արգիշտի Հակոբյանը, որը 5:0 հաշվով առավելության է հասել Բուլղարիան ներկայացնող Հիշամ Խալիլիի նկատմամբ: 60 կգ քաշային Ռաֆայել Ներսիսյանը պարտության է մատնել թուրք Օմեր Աբդուլահին , իսկ 75 կգ քաշային Ալբերտ Հարությունյանը պարտության է մատնել հույն մրցակցին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։