Կանադան իր քաղաքացիներին հորդորում է հեռանալ Ռուսաստանից․ 48 կանադացի է խաղում ՀՄԼ-ում
20:24 28 սեպտեմբերի, 2022Կանադան իր քաղաքացիներին հորդորել է հեռանալ Ռուսաստանից եւ Բելառուսից։ Հոկեյի մայրցամաքային լիգայում այժմ խաղում է 48 կանադացի հոկեյիստ։
Կանադայի Արտաքին գործերի նախարարության մամուլի քարտուղար Ադրիան Բլանշարը հայտարարել է, որ Ռուսաստանում եւ Բելառուսում հանդես եկող կանադացի հոկեյիստները հետագայում ստիպված կլինեն բացատրել իրենց որոշումը։
«Մեզ համար շատ թանկ են ազատության, ժողովրդավարության արժեքները եւ մարդու իրավունքները։ Ռուսաստանում եւ Բելառուսում խաղալու եւ այդ երկրների հետ զուգորդվելու որոշումներ ընդունած կանադացի մարզիկները հետո պետք է բացատրություն տան մեր հանրությանը։
Կանադայի կառավարությունը հստակ է արտահայտել իր դիրքորոշումը։ Կանադացիները պետք է լքեն Ռուսաստանը եւ Բելառուսը։ Նրանց հյուպատոսական ծառայություններ մատուցելը գրեթե անիրական է այս պայմաններում»,- Բլանշարի խոսքը մեջբերում է ESPN-ը։
Ուկրաինայի տարածքում շարունակվող ռուս-ուկրաինական պատերազմի պատճառով Ռուսաստանում հայտարարվել է մասնակի զորահավաք, որին կարող են ներգրավվել նաեւ երկքաղաքացիություն ունեցող ռուսաստանցիներ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։