Բենզեման վերադարձել է «Ռեալի» ընդհանուր խումբ

Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» ֆրանսիացի հարձակվող Քարիմ Բենզեման վերականգնվել է վնասվածքից հետո եւ վերսկսել է մարզումները իտալացի Կառլո Անչելոտիի գլխավորած թիմի ընդհանուր խմբում, հաղորդում է ակումբի մամուլի ծառայությունը։

Բենզեման վնասվածք էր ստացել սեպտեմբերի 6-ին Չեմպիոնների լիգայի խմբային մրցաշարի առաջին տուրում, շոտլանդական «Սելթիկի» դեմ հանդիպման 30-րդ րոպեին եւ փոխարինվել։ «Ռեալը» հաղթել էր 3:0 հաշվով։

Արքայական թիմը հաջորդ հանդիպումը կանցկացնի հոկտեմբերի 2-ին՝ Իսպանիայի առաջնության 7-րդ տուրում ընդունելով «Օսասունային»։