Ֆուտբոլի Անգլիայի հավաքականի գլխավոր մարզիչ Գարեթ Սաութգեյթը կարող է հեռացվել պաշտոնից նոյեմբեր-դեկտեմբերին Քաթարում անցկացվելիք աշխարհի առաջնությունից հետո, հաղորդում է բրիտանական The Telegraph-ը։
Գարեթ Սաութգեյթի պայմանագիրը նախատեսված է մինչեւ 2024թ․ Եվրոպայի առաջնության ավարտը։ Նրա տարեկան աշխատավարձը մոտ 5 միլիոն ֆունտ ստերլինգ է։
Հնարավոր թեկնածուներն են ֆրանսիական ՊՍԺ-ի նախկին գլխավոր մարզիչ Մաուրիսիո Պոչետինոն, «Լեսթեր Սիթիի» գլխավոր մարզիչ Բրենդան Ռոջերսը եւ «Նոթինգեմ Ֆորեսթի» գլխավոր մարզիչ Սթիվ Կուպերը։
Ազգերի լիգայում Անգլիայի հավաքականը երեքական ոչ ոքիից եւ պարտությունից հետո դուրս մնաց A լիգայից։
Աշխարհի առաջնության խմբային փուլում Անգլիայի հավաքականի մրցակիցները կլինեն Իրանի, Ուելսի եւ ԱՄՆ-ի թիմերը։
Անգլիայի հավաքականը Սաութգեյթի ղեկավարությամբ հասել է 2018թ. աշխարհի առաջնության կիսաեզրափակիչ, Եվրո-2020-ի եզրափակիչում էլ հետխաղային 11 մետրանոցներով պարտվել է Իտալիային։
Սաութգեյթը Անգլիայի հավաքականը գլխավորում է 2016 թվականից, դրանից առաջ Անգլիայի երիտասարդական թիմի գլխավոր մարզիչն էր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։