Մեսի․ Մենք պատրաստ ենք ճակատամարտին

Ֆրանսիայի չեմպիոն ՊՍԺ-ի եւ Արգենտինայի հավաքականի 35-ամյա հարձակվող Լիոնել Մեսին խոսել է աշխարհի առաջնությունից իր սպասելիքներ մասին։

«Մենք պատրաստ ենք պայքարի բոլոր մրցակիցների հետ։ Մենք միշտ նույն ֆուտբոլն ենք ցուցադրում՝ անկախ մրցակցից։ Մեր նպատակը տիտղոսն է։

Գիտենք, որ լինելու է շատ բարդ առաջնություն, բայց մենք պատրաստ ենք ճակատամարտին։ Ունենալու ենք բարդ խումբ եւ շատ կարեւոր է առաջին խաղում հաղթանակ տանելը»,- Մեսիի խոսքը մեջբերում է ESPN-ը։

Խմբային փուլում Արգենտինայի հավաքականի մրցակիցները կլինեն Լեհաստանի, Մեքսիկայի եւ Սաուդյան Արաբիայի թիմերը։ Աշխարհի առաջնությունը Քաթարում կմեկնարկի նոյեմբերի 20-ին, կավարտվի դեկտեմբերի 18-ին։