Սկալոնի․ Իմ պաշտոնավարման ժամանակ Մեսին միշտ կլինի խաղադաշտում
16:46 27 սեպտեմբերի, 2022Ֆուտբոլի Արգենտինայի ազգային հավաքականի գլխավոր մարզիչ Լիոնել Սկալոնին հայտարարել է, որ Ֆրանսիայի չեմպիոն ՊՍԺ-ի 35-ամյա հարձակվող Լիոնել Մեսին միշտ կլինի մեկնարկային կազմում, քանի դեռ ինքն է ղեկավարում թիմը։
«Իմ օրոք Մեսին միշտ կլինի խաղադաշտում։ Եթե ոչ մի վատ բան տեղի չունենա, Լիոնելը միշտ կխաղա։ Քննարկումներն անիմաստ են։ Նա բացառիկ ֆուտբոլիստ է։
Մեսին երջանիկ է հավաքականում, լավ է խաղում, թիմակիցները սկսել են գերազանց հասկանալ նրան։ Կարծում եմ՝ ՊՍԺ-ում Մեսին առաջադիմել է։ Մեզ շատ է ուրախացնում նրա մարզավիճակն աշխարհի առաջնությունից առաջ»,- Սկալոնիի խոսքը մեջբերում է TyC Sports-ը։
Նոյեմբեր-դեկտեմբերին Քաթարում անցկացվելիք աշխարհի առաջնության խմբային փուլում Արգենտինայի հավաքականի մրցակիցները կլինեն Սաուդյան Արաբիայի, Մեքսիկայի եւ Լեհաստանի հավաքականները։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։