Ֆրանսիայի չեմպիոն ՊՍԺ-ի 35-ամյա արգենտինացի հարձակվող Լիոնել Մեսին խոսել է ակումբակիցներ, բրազիլացի հարձակվող Նեյմարի եւ ֆրանսիացի հարձակվող Կիլիան Մբապեի մասին։
«Ես ու Նեյմարն անգիր գիտենք իրար, միասին մի քանի հրաշալի մրցաշրջան ենք անցկացրել «Բարսելոնայում»։ Հետո հայտնվեց ՊՍԺ-ում հանդիպելու հնարավորությունը։ Ես շատ ուրախ եմ, որ ամեն օր տեսնում եմ նրան։
Կիլիան Մբապեն իսկական գազան է խաղադաշտում, կատարյալ խաղացող է, շատ ուժեղ է անհատական պայքարում, մշտապես փնտրում է ազատ տարածություն, շատ արագ է եւ ունի գերազանց գոլային հոտառություն։ Մբապեն դեռ շատ տարիներ կլինի լավագույն ֆուտբոլիստներից մեկը»,- Մեսիի խոսքը մեջբերում է Ole-ն։
Մեսին նաեւ նշել է, որ ՊՍԺ-ի գլխավոր նպատակը Չեմպիոնների լիգայի գավաթը նվաճելն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։