ՊՍԺ-ն 15 միլիոն եվրո կառաջարկի Ադրիեն Ռաբյոյի համար

15:42   26 սեպտեմբերի, 2022

Ֆրանսիայի չեմպիոն ՊՍԺ-ն ցանկանում է վերադարձնել Թուրինի «Յուվենտուսի» կիսապաշտպան Ադրիեն Ռաբյոյին, հաղորդում է TEAMTalk-ը։ Փարիզյան ակումբը հունվարին 27-ամյա ֆուտբոլիստի տրանսֆերի համար կառաջարկի 15 միլիոն եվրո։ Ադրիեն Ռաբյոյի պայմանագիրն իտալական ակումբի հետ նախատեսված է մինչեւ այս մրցաշրջանի ավարտը։

Ադրիեն Ռաբյոն ՊՍԺ-ի խաղացող է եղել 2010-2019 թվականներին։ Անցած ամռանը նրան ձեռք բերելու ցանկություն ուներ անգլիական «Մանչեսթեր Յունայթեդը», սակայն ֆուտբոլիստի բարձր աշխատավարձի պատճառով գործարքը ձախողվեց։ Ռաբյոն չի համաձայնել աշխատավարձի կրճատման «Յուվենտուսում»։ Դրա պատճառով կողմերը չեն կարողանում հասնել համաձայնության պայմանագրի երկարաձգման հարցում։

Իտալիայի առաջնության եւ Չեմպիոնների լիգայի ընթացիկ մրցաշրջանում Ռաբյոն խաղադաշտում անցկացրել է 325 րոպե, գոլով կամ գոլային փոխանցմամբ աչքի չի ընկել։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։