Անգլիայի չեմպիոն «Մանչեսթեր Սիթին» ու «Մանչեսթեր Յունայթեդը» հետաքրքրված են Իտալիայի փոխչեմպիոն Միլանի «Ինտերի» եւ Եվրոպայի չեմպիոն Իտալիայի հավաքականի պաշտպան Ալեսանդրո Բաստոնիի ծառայություններով, հաղորդում է իտալական La Gazzetta dello Sport-ը։ 23-ամյա ֆուտբոլիստին ձեռք բերելու ցանկություն ունի նաեւ Լոնդոնի «Տոտենհեմը», որի գլխավոր մարզիչը «Ինտերում» նրա հետ աշխատած իտալացի Անտոնիո Կոնտեն է։
Բաստոնի «Ատալանտայի» սան է, «Ինտեր» է տեղափոխվել 2017թ․ ամռանը 31,1 միլիոն եվրոյի դիմաց։ Միլանյան թիմի հետ Բաստոնին դարձել է Իտալիայի չեմպիոն, գավաթակիր եւ սուպերգավաթակիր։ Նրա պայմանագիրը նախատեսված է մինչեւ 2024թ․ հունիս։
Ընթացիկ մրցաշրջանում Բաստոնին իտալացի Սիմոնե Ինձագիի գլխավորած թիմի հետ մասնակցել է Իտալիայի առաջնության եւ Չեմպիոնների լիգայի 8 հանդիպման։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։