Հայաստանի հավաքականի համար շատ դաժան խաղ էր: Աջակցությունս եմ հայտնում Խոակին Կապառոսին:
Այս մասին հետխաղային ասուլիսում ասել է Ուկրաինայի հավաքականի գլխավոր մարզիչ Ալեքսանդր Պետրակովը:
Ֆուտբոլի Ազգերի լիգայի խմբային փուլի նախավերջին տուրում Հայաստանի հավաքականը Երևանի Վազգեն Սարգսյանի անվան «Հանրապետական» ստադիոնում ընդունեց Ուկրաինայի հավաքականին եւ պարտվեց 0:5 հաշվով:
«Ֆուտբոլն այդպիսին է, դաժան է: Ես եղել եմ այս իրավիճակում, որում այժմ գտնվում է Հայաստանի հավաքականի գլխավոր մարզիչը: Սեպտեմբերի 21-ին Շոտլանդիայի հետ խաղում ես նույն վիճակում էի:
Ուզում եմ իմ աջակցություն հայտնել Հայաստանի հավաքականի մարզիչին եւ թիմին: Հայաստանի հավաքականի համար սա շատ դաժան խաղ էր:
Շնորհակալություն եմ հայտնում հայերին: Շատ եմ հարգում Հայաստանը: Շնորհակալ եմ մեզ այսպես ջերմ ընդունելու համար»,- ասաց Ալեքսանդր Պետրակովը:
Նախորդ խաղում Ուկրաինան 0:3 հաշվով պարտվել էր շոտլանդացիներին։
Լուսինե Շահբազյան
Ֆոտո՝ Էմմա Ասատրյանի
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։