Ֆրանսիայի չեմպիոն ՊՍԺ-ի արգենտինացի հարձակվող Լիոնել Մեսին ու «Բարսելոնայի» նախագահ Ժոան Լապորտան այս շաբաթ ունեցել են հեռախոսազրույց, հաղորդում է El Clásico TV-ն։ Նրանք քննարկել են Մեսիի հնարավոր վերադարձը կատալոնական ակումբ։
Վերադարձի մեջ կարեւոր դեր կարող է խաղալ «Բարսելոնայի» իսպանացի գլխավոր մարզիչ Չավին, որը նույնպես ցանկանում է աշխատել Մեսիի հետ։ Ժոան Լապորտան ֆուտբոլիստից ներողություն է խնդրել 2021 թվականի ամռան իրավիճակի համար, որի պատճառով Մեսին չկարողացավ երկարաձգել պայմանագիրը «Բարսելոնայի» հետ եւ ընդունեց ՊՍԺ-ի առաջարկը։
Մեսին ու Լապորտան պայմանավորվել են նոյեմբեր-դեկտեմբերին Քաթարում անցկացվելիք աշխարհի առաջնությունից հետո սկսել պայմանագրի վերաբերյալ առարկայական բանակցությունները։
Մեսիի պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։
Ընթացիկ մրցաշրջանում 35-ամյա ֆուտբոլիստը ՊՍԺ-ի հետ մասնակցել է 11 հանդիպման, խփել 6 գոլ, կատարել 8 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։