Սերբիայի Նովի Սադ քաղաքում անցկացվող սամբոյի Եվրոպայի երիտասարդական առաջնությունում Հայաստանը նվաճեց 2 ոսկե, 4 բրոնզե մեդալ, հաղորդում է ՀՍՖ-ի մամուլի ծառայությունը։
Հայաստանի երիտասարդական հավաքականից 58 կգ քաշային Աշիկ Անդրեյանը և 88 կգ քաշային Գոռ Հարությունյանը հաղթեցին բոլոր գոտեմարտերում եւ նվաճեցին ոսկե մեդալները։
Արփինե Մնացականյանը (50 կգ), Նարեկ Ամիրյանը (71 կգ), Գրիգոր Բեկնազարյանը (98 կգ) և Նորիկ Խուրշուդյանը (+98 կգ) դարձան բրոնզե մեդալակիրներ։
Հայաստանի Մ-22 տղաների հավաքականը թիմային հաշվարկում զբաղեցրեց երկրորդ տեղը: Առաջինը Ռուսաստանի հավաքականն էր, որը կանոնակարգի համաձայն հանդես է գալիս FIAS-1 անվան տակ:
Հայաստանի տղաների պատանեկան հավաքականը զբաղեցրել էր երրորդ տեղը՝ սեպտեմբերի 15-ին նվաճելով 1 ոսկե, 2 արծաթե մեդալ:
Սեպտեմբերի 17-18-ին ասպարեզ կմտնեն ազգային հավաքականները: Հայաստանը կներկայացնի 10 տղամարդ, 1 կին:
Տղամարդիկ
Տիգրան Կիրակոսյան - 58 կգ
Մաքսիմ Մանուկյան - 64 կգ
Կառլեն Մահինյան - 71 կգ
Բորիս Շատվերյան - 79 կգ
Դավիթ Գրիգորյան - 88 կգ
Արսեն Խանջյան - 98 կգ
Կանայք
Վարսիկ Գրիգորյան - 54 կգ
Մարտական սամբո
Համլետ Սուքիասյան - 58 կգ
Վահրամ Գրիգորյան - 64 կգ
Վաչիկ Վարդանյան - 71 կգ
Արման Ավանեսյան - 98 կգ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։