Էրիկ Սաղաթելյանը՝ Եվրոպայի պատանեկան չեմպիոն

00:40   16 սեպտեմբերի, 2022

Սերբիայի Նովի Սադ քաղաքում մեկնարկել է սամբոյի Եվրոպայի առաջնությունը, որն անցկացվում է երեք տարիքային խմբերում՝ պատանիներ, երիտասարդներ, մեծահասակներ: Մրցումների առաջին օրը պայքարեցին պատանիները:

Հայաստանի հավաքականի 4 մարզիկ արժանացավ մեդալների: Աղջիկների 47 կգ քաշային կարգում Աննա Այվազյանին բաժին հասավ բրոնզե մեդալ, տղաների 53 կգ քաշային Ռոբերտ Սիմոնյանը և 98 կգ քաշային Աղվան Պետրոսյանը գրավեցին երկրորդ տեղը, իսկ գերծանր քաշային Էրիկ Սաղաթելյանը հաղթեց բոլոր գոտեմարտերում և դարձավ Եվրոպայի առաջնության չեմպիոն, հաղորդում է ՀՍՖ-ի մամուլի ծառայությունը:

Առաջնությանը մասնակցում է 24 երկրի թիմ: Սամբոյի միջազգային ֆեդերացիայի գործկոմի որոշմամբ՝ Ռուսաստանի և Բելոռուսի մարզիկները հանդես են գալիս Սամբոյի միջազգային ֆեդերացիայի դրոշի ներքո՝ FIAS-1 և FIAS-2 պայմանական անվանումներով:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։