Կոնֆերենցիաների լիգայի երկրորդ տուրում Հայաստանի չեմպիոն «Փյունիկը» Երեւանի Վազգեն Սարգսյանի անվան ստադիոնում մրցեց Սլովակիայի չեմպիոն Բրատիսլավայի «Սլովանի» հետ։
Եղիշե Մելիքյանի գլխավորած թիմն առավելության հասավ 2:0 հաշվով։
35-րդ րոպեին խաղի հաշիվը բացեց կիսապաշտպան Արտակ Դաշյանը (տեսանյութ)։ 2 րոպե անց «Փյունիկի» առավելությունը կրկնապատկեց նիգերիացի հարձակվող Յուսուֆ Օտուբանջոն (տեսանյութ)։
«Սլովանի» մեկնարկային կազմում էր նաեւ Հայաստանի հավաքականի հարձակվող Տիգրան Բարսեղյանը, որն անցկացրեց ամբողջ հանդիպումը։ Նա 25-րդ րոպեին զգուշացվեց դեղին քարտով։
H խմբում «Փյունիկը» 3 միավորով բարձրացավ երկրորդ տեղ։ Առաջատարը շվեյցարական «Բազելն» է, որը նվազագույն հաշվով հաղթեց Լիտվայի «Ժալգիրիսին» եւ ունի 6 միավոր։
Հոկտեմբերի 6-ին անցկացվելիք երրորդ տուրում «Փյունիկը» կընդունի «Ժալգիրիսին»։
Կոնֆերենցիաների լիգա, H խումբ, երկրորդ տուր
«Փյունիկ» - «Սլովան»՝ 2:0
Արտակ Դաշյան, 35, Յուսուֆ Օտուբանջո, 37
«Ժալգիրիս» - «Բազել»՝ 0:1
Անդի Զեքիրի, 62
Մրցաշարային դրություն․ «Բազել»՝ 6, «Փյունիկ»՝ 3, «Ժալգիրիս»՝ 1, «Սլովան»՝ 1։
GOOOOAL!!! Artak Dashyan makes it 1:0!!!#gopyunik #fcpyunik #skslovan #uefaconferenceleague #conferenceleague pic.twitter.com/9VPuWk4BAi
— FC Pyunik (@FC_Pyunik) September 15, 2022
GOOOOAL!!! Second goal in two minutes for Pyunik!#gopyunik #fcpyunik #skslovan #uefaconferenceleague #conferenceleague pic.twitter.com/DSQADbkXEp
— FC Pyunik (@FC_Pyunik) September 15, 2022
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։