Ֆուտբոլի Հայաստանի չեմպիոն «Փյունիկին» է միացել 31-ամյա հյուսիսմակեդոնացի պաշտպան Կիրե Ռիստևսկին, հաղորդում է երևանյան ակումբի մամուլի ծառայությունը:
Ռիստևսկին նախկինում հանդես է եկել հյուսիսմակեդոնական «Պելիստերում», «Ռաբոտնիչկիում», ալբանական «Էլբասանում», «Բիլիշ Բալշում», «Տիրանայում», բուլղարական «Սլավիայում», հունգարական «Վաշաշում» և «Ույպեշտում»։ Նրա նախորդ թիմը եղել է կիպրոսյան «ԱԵԼ Լիմասոլը»։
2020/21թթ․ մրցաշրջանում հյուսիսմակեդոնացի պաշտպանը «Ույպեշտի» հետ նվաճել է Հունգարիայի գավաթը։
Ռիստևսկին խաղացել է նաև իր երկրի Մ-17, Մ-19 և Մ-21 տարեկանների հավաքականներում, իսկ 2014թ․-ից հանդես է եկել Հյուսիսային Մակեդոնիայի ազգային հավաքականում, որի կազմում անցկացրել է 57 խաղ: Նա ընդգրկված էր Եվրո-2020-ում Հյուսիսային Մակեդոնիայի հավաքականի կազմում և մասնակցել է խմբային փուլի` Ուկրաինայի հավաքականի դեմ հանդիպմանը։
Transfermarkt.com-ը նրա տրանսֆերային արժեքը գնահատվում է 350 հազար եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։