ՉԼ․ Կիլիան Մբապեի գոլը լավագույնն է ճանաչվել

Չեմպիոնների լիգայի խմբային մրցաշարի առաջին տուրի հանդիպումների արդյունքում՝ շաբաթվա լավագույն գոլ է ճանաչվել Ֆրանսիայի չեմպիոն ՊՍԺ-ի ֆրանսիացի հարձակվող Կիլիան Մբապեի գոլը Թուրինի «Յուվենտուսի» դեմ տնային խաղում (2:1)։ Բրազիլացի հարձակվող Նեյմարի փոխանցումից հետո Մբապեն խաղի հաշիվը բացել էր 5-րդ րոպեին։

Երկրորդ տեղում է «Բարսելոնայի» իսպանացի կիսապաշտպան Ֆերան Տորեսի գոլը չեխական «Վիկտորիա Պլզենի» դեմ խաղում (5:1)։ Երրորդ տեղում է Գերմանիայի չեմպիոն Մյունխենի «Բավարիայի» գերմանացի հարձակվող Լերոյ Սանեի գոլը Իտալիայի փոխչեմպիոն «Ինտերի» հետ դիմակայությունում (2:0)։ Չորրորդը պորտուգալական «Բենֆիկայի» իսպանացի պաշտպան Ալեքս Գրիմալդոյի գոլը իսրայելական «Մաքաբիի» դեմ խաղում։