Ռուսաստանի թիմերի հաղթանակով է ավարտվել լողափնյա վոլեյբոլի կանանց և տղամարդկանց Հայաստանի բաց առաջնությունները:
Մրցաշարին Հայաստանից և Ռուսաստանից մասնակցել է կանանց և տղամարդկանց 12-ական թիմ, հաղորդում է ԿԳՄՍՆ-ի կայքը
Տղամարդկանց պայքարում հաղթողի տիտղոսը նվաճել է «Ռուսաստան-1» թիմը, որը եզրափակիչում 2:0 հաշվով առավելության է հասել Հայաստանի ֆիզիկական կուլտուրայի և սպորտի պետական ինստիտուտի թիմի նկատմամբ: Երրորդ տեղն էլ զբաղեցրել է Ռուսաստանի երկրորդ թիմը՝ 2:0 հաշվով հաղթանակ տանելով ՖԻՄԱ-ի նկատմամբ:
Կանանց պայքարում առաջին տեղը զբաղեցրել է Ռուսաստանի թիմը՝ 2:0 հաշվով առավելության հասնելով Երևանի «Վան» թիմի նկատմամբ: Երրորդ տեղի համար խաղում էլ ԽՄՕՄՄ-ը 2:0 հաշվով հաղթել է ԲՊՀ-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։