US Open. Մեդվեդեւը պարտվեց եւ կզրկվի առաջին ռակետի կարգավիճակից, Խաչանովը քառորդ եզրափակիչում է

Աշխարհի առաջին ռակետ Դանիիլ Մեդվեդեւը պարտություն կրեց ԱՄՆ-ի բաց առաջնության չորրորդ շրջանում։ Անցած տարի այս մրցաշարի հաղթողի կոչումը նվաճած ռուսաստանցի թենիսիստը չկարողացավ հաղթահարել ավստրալացի Նիկ Կիրյոսի արգելքը՝ 6:7 (11:13), 6:3, 3:6, 2:6։

What a run it's been.

Hats off to our 2021 champion, @DaniilMedwed pic.twitter.com/ZWVd8YZPk9

— US Open Tennis (@usopen) September 5, 2022

Դանիիլ Մեդվեդեւը ԱՄՆ-ի բաց առաջնությունից հետո կզրկվի համաշխարհային դասակարգման առաջին համարից։ Առաջին ռակետի հավակնորդներն են իսպանացիներ Ռաֆայել Նադալն (աշխարհի երրորդ ռակետ) եւ Կառլոս Ալկարասը (չորրորդ համար), նաեւ նորվեգացի Կասպեր Ռուուդը (7-րդ համար)։

One of these men will be the new World No. 1 next Monday: pic.twitter.com/kOWnQv0Aeu

— US Open Tennis (@usopen) September 5, 2022

Առաջին անգամ US Open-ի քառորդ եզրափակիչ դուրս եկավ ռուսաստանցի Կարեն Խաչանովը, որը մրցեց իսպանացի Պաբլո Կարենյո Բուստայի հետ։ Հայ թենիսիստն առավելության հասավ 4:6, 6:3, 6:1, 4:6, 6:3 հաշվով։ Պայքարը տեւեց 3 ժամ եւ 23 րոպե։ Խաչանովի հաջորդ մրցակիցը կլինի Նիկ Կիրյոսը։

ԱՄՆ-ի բաց առաջնության մրցանակային հիմնադրամը 60 միլիոն դոլար է։