Դոնեցկի «Մետալուրգը» չկարողացավ պահպանել հաղթական հաշիվը
20:27 20 հոկտեմբերի, 2012Լուցկի «Վոլինն» ու Դոնեցկի «Մետալուրգը» ոչ ոքի խաղացին ֆուտբոլի Ուկրաինայի առաջնության 12-րդ տուրում: Հանդիպումը կայացավ Լուցկում եւ ավարտվեց 1:1 հաշվով:
80-րդ րոպեին «Մետալուրգի» բրազիլացի հարձակվող Ժունիոր Մորաեսն անվրեպ իրացրեց 11 մետրանոց հարվածը, սակայն Դոնեցկի թիմը չկարողացավ պահպանել հաղթական հաշիվը: Խաղի վերջին րոպեին մակեդոնացի հարձակվող Դուշան Սավիչը «Վոլինին» փրկեց պարտությունից:
Հայաստանի ազգային հավաքականի կիսապաշտպաններ Գեւորգ Ղազարյանն ու Կառլեն Մկրտչյանը «Մետալուրգի» մեկնարկային կազմում էին: Արտակ Եդիգարյանը 76-րդ րոպեին փոխարինեց Գեւորգ Ղազարյանին, իսկ Մկրտչյանը մասնակցեց ամբողջ հանդիպմանը:
«Մետալուրգն» ունի 18 միավոր եւ գտնվում է չորրորդ տեղում: «Վոլինը» 16 միավորով 9-րդն է:
Ուկրաինայի առաջնություն. 12-րդ տուր
«Վոլին» - «Մետալուրգ Դ.»՝ 1:1
Դուշան Սավիչ, 90 – Ժունիոր Մորաեսը, 80 (11մ.)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.