20-ամյա հարձակվող Գրենիկ Պետրոսյանը վերադարձել է «Փյունիկ»
23:06 1 սեպտեմբերի, 2022Ֆուտբոլի Հայաստանի չեմպիոն «Փյունիկը» համալրում ունի: Վարձավճարի ավարտից հետո թիմ է վերադարձել 20-ամյա հարձակվող Գրենիկ Պետրոսյանը, հաղորդում է ակումբի մամուլի ծառայությունը:
Պետրոսյանը «Փյունիկի» սան է, գլխավոր թիմում նորամուտը նշել է 16 տարեկանում՝ 2018թ․ սեպտեմբերի 19-ին փոխարինման մտնելով Հայաստանի Բարձրագույն խմբի առաջնության` «Ալաշկերտի» դեմ խաղում։
Հայաստանի Բարձրագույն խմբի 2018-2019թթ․ առաջնությունում Գրենիկ Պետրոսյանը «Փյունիկի» կազմում մասնակցել է 8 հանդիպման, նաև 2 խաղ է անցկացրել Հայաստանի գավաթի խաղարկությունում։
2020-ի տարեսկզբին, Գրենիկ Պետրոսյանը վարձավճարով տեղափոխվել է Հայաստանի Առաջին խմբի առաջնությունում ելույթ ունեցող ԲԿՄԱ, որտեղ 2020-2021թթ․ մրցաշրջանում 27 խաղում խփել է 16 գոլ։ Հաջորդ մրցաշրջանում՝ նա բանակայինների կազմում հանդես է եկել VBET Հայաստանի Պրեմիեր լիգայի առաջնությունում՝ 25 խաղում դառնալով 4 գոլի և 1 գոլային փոխանցման հեղինակ։
VBET Հայաստանի Պրեմիեր լիգայի նոր մեկնարկած առաջնությունում Պետրոսյանը ԲԿՄԱ-ի կազմում մասնակցել է մեկնարկային բոլոր 5 խաղերին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։