Անգլիայի առաջնության չորրորդ տուրում Լոնդոնի «Տոտենհեմը» հյուրընկալվեց «Նոթինգեմ Ֆորեսթին»։ Իտալացի Անտոնիո Կոնտեի գլխավորած թիմը հաղթեց 2:0 հաշվով։
Արդեն 5-րդ րոպեին խաղի հաշիվը բացեց «Տոտենհեմի» անգլիացի հարձակվող Հարի Քեյնը, որին գոլային փոխանցում կատարեց շվեդ կիսապաշտպան Դեյան Կուլուշեւսկին։
56-րդ րոպեին Քեյնն ուներ հաշիվը կրկնապատկելու հնարավորություն, սակայն չկարողացավ արդյունավետ իրացնել 11-մետրանոցը։ Սեյվի հեղինակ դարձավ անգլիացի դարպասապահ Դին Հենդերսոնը։ Երկրորդ գոլը Քեյնը խփեց 81-րդ րոպեին բրազիլացի հարձակվող Ռիշարլիսոնի փոխանցումից հետո։
«Տոտենհեմը» 10 միավորով հավասարվեց «Մանչեսթեր Սիթիին» ու «Բրայթոնին» եւ երրորդն է։ Առաջատարը «Արսենալն» է՝ 12 միավոր։ «Նոթինգեմ Ֆորեսթը» 13-րդն է՝ 4 միավոր։
Անգլիայի առաջնություն, չորրորդ տուր
«Նոթինգեմ Ֆորեսթ» - «Տոտենհեմ»՝ 0:2 (տեսանյութ)
Հարի Քեյն, 5, 81
Չիրացրած 11մ՝ Հարի Քեյն, 56
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։