Մյունխենում ընթացող սպորտային մարմնամարզության Եվրոպայի առաջնությունում Հայաստանի հավաքականի առաջատարներից Արթուր Դավթյանը նվաճեց փոխչեմպիոնի կոչումը հենացատկում։
Օլիմպիական բրոնզե մեդալակիրը եզրափակիչում վաստակեց 14.983 միավոր: Նույնքան միավոր վաստակեց նաեւ չեմպիոնի տիտղոսը նվաճած բրիտանացի Ջեյք Ջարմանը (14.983): Նա Արթուր Դավթյանի նկատմամբ առավելություն ունեցավ երկրորդ ցատկի բարդությամբ: Այս վարժությունում բրոնզե մեդալակիր դարձավ Ուկրաինայի ներկայացուցիչ Իգոր Ռադիվիլովը (14.899):
Ավելի վաղ Եվրոպայի չեմպիոնի տիտղոսը նժույգի վարժություններում նվաճեց Հարություն Մերդինյանը:
Հակոբ Սերբոյանի գլխավորած հավաքականը Եվրոպայի առաջնությունում պայքարն ավարտում է մեկ ոսկե, մեկ արծաթե մեդալով: Եվրոպայի երիտասարդական առաջնությունում Հայաստանի թիմը նվաճեց մեկ ոսկե, երկու արծաթե մեդալներ: Եվրոպայի չեմպիոն դարձավ Էրիկ Բաղդասարյանը (զուգափայտ), արծաթե մեդալակիր՝ Համլետ Մանուկյան (նժույգ թափեր, օղակներ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։