Երիտասարդական ԵԱ․ Էրիկ Բաղդասարյանը նվաճեց 1 ոսկե, Համլետ Մանուկյանը՝ 2 արծաթե մեդալ (ֆոտո)

Հայաստանն մեկ ոսկե, երկու արծաթե մեդալներ է նվաճել Եվրոպայի առաջնությունում: Գերմանիայի Մյունխեն քաղաքում ընթացող սպորտային մարմնամարզության Եվրոպայի երիտասարդական առաջնությունում Հայաստանի ներկայացուցիչ Էրիկ Բաղդասարյանը հավասարը չունեցավ զուգափայտերի վարժությունում: Հայ մարմնամարզիկը չեմպիոնի տիտղոսը նվաճեց 13.600 միավորով: Այս վարժությունում արծաթե մեդալակիր դարձավ Մեծ Բրիտանիայի ներկայացուցօչ Գաբրիել Լանգթոնը (13.566), բրոնզե մեդալակիր՝ իսպանացի Դանիել Կարիոն (13.400):

Երկու արծաթե մեդալ է նվաճել Հայաստանի հավաքականի ամենակրտսեր ներկայացուցիչը՝ 14-ամյա Համլետ Մանուկյանը:

Նա արծաթե մեդալներ էր նվաճել նժույգ թափեր եւ օղակներ վարժություններում:

Նժույգ թափեր վարժության երզափակիչում 14-ամյա մարմնամարզիկը վաստակել է 13.966 միավոր՝ 0.44 միավորով հետ մնալով ոսկե մեդալակրից: Այս վարժությունում չեմպիոնի տիտղոսը  նվաճել է Իտալիայի ներկայացուցիչ Ռիկարդո Վիլլան (14.000): Եզրափակիչ դուրս եկած Մամիկոն Խաչատրյանը 13.366 միավորով 4-րդն է:

Օղակների վարժությունում Եվրոպայի փոխչեմպիոնը արծաթե մեդալակիր է դարձել 13.333 միավոր: Ոսկե մեդալակիր է դարձել Շվեդիայի ներկայացուցիչ Լուիս Մելանդերը (13.633): Օղակների վարժությունում եզրափակիչ դուրս եկած Հայաստանի երկրորդ ներկայացուցիչ Էրիկ Բաղդասարյանը 13.000 միավորով 4-րդն է:

Հայաստանի երիտասարդական հավաքականը 3 մասնակցով նվաճեց 3 մեդալ: Մեդալակիր չդարձավ միայն Մամիկոն Խաչատրյանը, որը նժույգ թափեր վարժության եզրափակիչում բավարարվեց 4-րդ տեղի արդյունքով:

Քիչ անց Մյունխենի օլիմպիական մարզապալատում կմեկնարկի մեծահասակների եզարափակիչները, որտեղ Հայաստանն ունի 4 մասնակից: Մեդալների համար կպայքարեն Արթուր Դավթյանը՝ հենացատկ եւ նժույգ թափեր, Հարություն Մերդինյանը՝ նժույգ թափեր, Վահագն Դավթյանն ու Արթուր Ավետիսյանը՝ օղակներ: