«Մասթերս»․ 7-րդ ռակետ Ցիցիպասն ու 152-րդ ռակետ Չորիչը եզրափակիչում են

ԱՄՆ-ի Ցինցինատի քաղաքում անցկացվող «Մասթերս» մրցաշարի կիսաեզրափակիչում, աշխարհի առաջին ռակետ, ռուսաստանցի Դանիիլ Մեդվեդեւը մրցեց 7-րդ ռակետ Ստեֆանոս Ցիցիպասի հետ։ Հույն թենիսիստը հաղթանակ տարավ  7:6 (6), 3:6, 6:3 հաշվով։ Պայքարը տեւեց 2 ժամ եւ 25 րոպե։

Եզրափակիչում Ցիցիպասի մրցակիցը կլինի համաշխարհային դասակարգման 152-րդ համար Բորնա Չորիչը։ Խորվաթ թենիսիստը կիսաեզրափակիչում մրցեց 11-րդ ռակետ, բրիտանացի Քեմերոն Նորիի հետ եւ առավելության հասավ 6:3, 6:4 հաշվով։ Մրցախաղը տեւեց 1 ժամ եւ 31 րոպե։

Ցինցինատիի «Մասթերսի» մրցանակային հիմնադրամը 6,2 միլիոն դոլար է։

BORNA HAS DONE IT AGAIN!!

The World No.152 defeats Norrie 6-3, 6-4 to become the lowest ranked men’s finalist in Cincinnati history.@CincyTennis | #CincyTennis | @borna_coric pic.twitter.com/iBVjQQ2msz

— ATP Tour (@atptour) August 21, 2022