Եվրոպայի լիգա․ Եղիշե Մելիքյանի հետխաղային ասուլիսը (տեսանյութ)

09:02   19 օգոստոսի, 2022

Ֆուտբոլի Հայաստանի չեմպիոն Երեւանի «Փյունիկի» գլխավոր մարզիչ Եղիշե Մելիքյանը հետխաղային ասսուլիսում մեկնաբանել է 0:0 հաշվով ոչ ոքին Մոլդովայի չեմպիոն Տիրասպոլի «Շերիֆի» դեմ Եվրոպայի լիգայի որակավորման փլեյ-օֆֆի առաջին խաղում։

«Մրցակիցն ուժեղ է, ճանաչում ենք «Շերիֆին», որը լավ խաղացողներով համալրված թիմ է։ Կարողացանք փակել նրանց ուժեղ կողմերը, բայց տխուր եմ, որ չկարողացանք օգտագործել նրանց թույլ կողմերը։

Խաղը ցույց է տալիս, որ առջեւում հարց լուծող տղաներ են պետք անհատական տեխնիկայի հաշվին:

Պետք է լավ պատրաստվել պատասխան խաղին, վերլուծել այս հանդիպումը։

Պրեսինգի էինք դիմում։ Եթե գոլ խփեինք, խաղն այլ կերպ կընթանար»,- ասել է Եղիշե Մելիքյանը։

Պատասխան խաղը Մոլդովայում տեղի կունենա օգոստոսի 25-ին։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.