Արթուր Դավթյանը, Վահագն Դավթյանը, Հարություն Մերդինյանը եւ Արթուր Ավետիսյանը դուրս եկան սպորտային մարմնամարզության Եվրոպայի առաջնության եզրափակիչ:
Օգոստոսի 18-ին Գերմանիայի Մյունխեն քաղաքում տեղի ունեցավ սպրոտային մարմնամարզության մեծահասակների Եվրոպայի առաջնության որակավորման փուլը: Հայաստանի 5 մասնակիցներից որակավորման փուլի արգելքը չկարողացավ հաղթահարել միայն Գագիկ Խաչիկյանը:
Օլիմպիական բրոնզե մեդալակիր Արթուր Դավթյանը հենացատկի վարժության որակավորման փուլում լավագույն արդյունքը ցույց տվեց եւ 15, 149 միավորով առաջին տեղով դուրս եկավ եզրափակիչ:
Նժույգ թափեր վարժությունում Հայաստանը եզրափակիչի երկու մասնակից ունի: Հարություն Մերդինյանը 14,500 միավորով երրորդ տեղով դուրս եկավ եզրափակիչ, նույն վարժությունում եզրափակիչի ուղեգիր նվաճեց նաեւ Արթուր Դավթյանը: 2021 թվականի նժույգի վարժության եվրոպայի չեմպիոնը 14,200 միավորով 8-րդ տեղում է:
Հայաստանի մյուս ներկայացուցիչներ Վահագն Դավթյանն ու Արթուր Ավետիսյանը օղակների վարժությունում 5-րդն ու 6-րդն է: Եվրոպայի փոխչեմպիոն, աշխարհի գավաթակիր Վահագն Դավթյանը որակավորման փուլում վաստակեց 14,666 միավոր, Արթուր Ավետիսյանը՝ 14,633:
Երիտասարդ Գագիկ Խաչիկյանը բազմամարտում 78.932 միավորով 32-րդ էր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։