Ֆրանսիայի չեմպիոն ՊՍԺ-ն շարունակում է բանակցությունները Իտալիայի փոխչեմպիոն «Ինտերի» հետ պաշտպան Միլան Շկրինյարի տրանսֆերի հարցով։
Միլանյան ակումբը 27-ամյա ֆուտբոլիստի համար պահանջել է 80 միլիոն եվրո, հաղորդում է Le Parisien-ը։ Փարիզյան ակումբը բանակցում է 60 միլիոն եվրոյով համաձայնության հասնելու նպատակով։
Սլովակիայի հավաքականի ֆուտբոլիստի պայմանագիրը «Ինտերի» հետ նախատեսված է մինչեւ 2023թ․ հունիս։
Նրա ծառայություններով հետաքրքրված է նաեւ Լոնդոնի «Տոտենհեմը»։
Շկրինյարը «Ինտեր» է տեղափոխվել 2017-ին «Սամպդորիայից»։ Իտալիայի անցած առաջնությունում նա մասնակցել է 35 հանդիպման, խփել 3 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։