Ցինցինատի․ Սերենա Ուիլյամսը պարտվեց Էմմա Ռադուկանուին (ֆոտո, վիդեո)

09:02   17 օգոստոսի, 2022

«Մեծ սաղավարտի» մրցաշարերի 23-ակի չեմպիոն, աշխարհի նախկին առաջին ռակետ Սերենա Ուիլյամսը չկարողացավ հաղթահարել Ցինցինատիի մրցաշարի առաջին շրջանի արգելքը։ Ամերիկացի թենիսիստուհին մրցեց աշխարհի 10-րդ ռակետ, բրիտանացի Էմմա Ռադուկանուի հետ, որն առավելության հասավ 6:4, 6:0 հաշվով։ Մրցախաղը տեւեց 1 ժամ եւ 5 րոպե։

40-ամյա Սերենա Ուիլյամսը հայտարարել է, որ այս տարվա ԱՄՆ-ի բաց առաջնությունից հետո ավարտելու է մարզական կարիերան։

Էմմա Ռադուկանուի մրցակիցը երկրորդ շրջանում կլինի Բելառուսի ներկայացուցիչ Վիկտորյա Ազարենկան։

Ցինցինատիի մրցաշարի (WTA Western & Southern Open) մրցանակային հիմնադրամը 2,5 միլիոն դոլար է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։