Մ-20 ԱԱ․ Սերգեյ Սարգսյանը կգոտեմարտի բրոնզե մեդալի համար
22:44 16 օգոստոսի, 2022Բուլղարիայի մայրաքաղաք Սոֆիայում շարունակվող ազատ ոճի ըմբշամարտի աշխարհի երիտասարդական առաջնությունում Հայաստանի ներկայացուցիչ, 92 կգ քաշային Սերգեյ Սարգսյանը կիսաեզրափակիչում 3:4 հաշվով պարտվեց Վրաստանի ներկայացուցիչ Անդրո Մարգիշվիլիին եւ կգոտեմարտի բրոնզե մեդալի համար։
97 կգ քաշային կարգում Խաչատուր Խաչատրյանը բրոնզե մեդալի գոտեմարտի իրավունքի համար սփոփիչ գոտեմարտում 0:11 հաշվով պարտվեց Ուկրաինան ներկայացնող Դավիդ Մչեդլիձեին եւ ավարտեց պայքարը։
61 կգ քաշային Հայկ Աբրահամյանը բրոնզե մեդալի գոտեմարտի իրավունքի համար սփոփիչ գոտեմարտ կանցկացնի ադրբեջանցի Ջեյհուն Ալահվերդիեւի հետ։
86 կգ քաշային Գուրգեն Սիմոնյանը բրոնզե մեդալի համար գոտեմարտի իրավունք ստանալու համար սփոփիչ գոտեմարտ կանցկացնի հունգարացի Նանդոր Միլան Հայդուչի հետ։
Հիշեցնենք, որ ավելի վաղ 79 կգ քաշային Մուշեղ Մկրտչյանը նվաճել է փոխչեմպիոնի կոչումը, 70 կգ քաշային Հայկ Պապիկյանը պարտվել է բրոնզե մեդալի համար գոտեմարտում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։