Մադրիդի «Աթլետիկոյի» արգենտինացի գլխավոր մարզիչ Դիեգո Սիմեոնեն հույս է հայտնել, որ իսպանացի հարձակվող Ալվարո Մորատան այս ամռանը չի հեռանա թիմից։ 29-ամյա ֆուտբոլիստը Թուրինի «Յուվենտուսում» վարձակալությամբ հանդես գալուց հետո այս ամռանը վերադարձել է իսպանական ակումբ։ Նրա ծառայություններով հետաքրքրված են մի քանի առաջատար ակումբներ։
«Ես ակումբի սեփականատերը չեմ, մարզիչն եմ։ Ակումբում բոլորը հույս ունեն, որ Մորատան կմնա։ Նա շատ լավ է աշխատում, անհավանական լավ է խաղում։ Ալվարոն վերադարձել է մեր թիմում հանդես գալու մեծ ցանկությամբ»,- Սիմեոնեի խոսքը մեջբերում է Goal.com-ը։
Իսպանիայի առաջնության մեկնարկային տուրում «Աթլետիկոն» 3:0 հաշվով հաղթել էր «Խետաֆեին», Մորատան դարձել էր դուբլի հեղինակ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։