«Լիվերպուլը» Նունիեսի հեռացումից հետո կարողացավ գոլ խփել եւ խուսափել պարտությունից (ֆոտո, վիդեո)

00:58   16 օգոստոսի, 2022

Անգլիայի Պրեմիեր լիգայի երկրորդ տուրում փոխչեմպիոն «Լիվերպուլը» հյուրընկալեց Լոնդոնի «Քրիսթալ Փելասին» եւ բավարարվեց ոչ ոքի արդյունքով՝ 1:1:

Խաղի հաշիվը 32-րդ րոպեին բացեց հյուրերի կոտդիվուարցի հարձակվող Ուիլֆրիդ Զահան։

57-րդ րոպեին վիճաբանության ժամանակ մրցակցին գլխով հարվածելու համար կարմիր քարտ ստացավ լիվերպուլյան թիմի նորեկ, ուրուգվայցի հարձակվող Դարվին Նունիեսը։

Դրանից 4 րոպե անց «Լիվերպուլը» կարողացավ վերականգնել հավասարությունը։ Անգլիացի կիսապաշտպան Ջեյմս Միլների փոխանցումից հետո աչքի ընկավ կոլումբացի հարձակվող Լուիս Դիասը։

«Լիվերպուլը» 2 ոչ ոքիից հետո 2 միավորով 12-րդն է, «Քրիսթալ Փելասը» 16-րդն է՝ 1 միավոր։

Անգլիայի առաջնություն, երկրորդ տուր

«Լիվերպուլ» - «Քրիսթալ Փելաս»՝ 1:1 (տեսանյութ)

Լուիս Դիաս, 61 -  Ուիլֆրիդ Զահա, 32

Հեռացում՝ Դարվին Նունիես («Լիվերպուլ»), 57



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։