ՊՍԺ-ում կքննարկեն Նեյմարի եւ Մբապեի լարված հարաբերությունները

14:44   15 օգոստոսի, 2022

Ֆրանսիայի չեմպիոն ՊՍԺ-ի ղեկավարությանն ու մարզչական շտաբին մտահոգել է թիմի հարձակվողներ, բրազիլացի Նեյմարի եւ ֆրանսիացի Կիլիան Մբապեի լարված հարաբերությունները։

«Մոնպելիեի» հետ Ֆրանսիայի առաջնության հանդիպումից (5:2) հետո Նեյմարը սոցիալական ցանցերում հավանել էր երկու գրառում՝ 11-մետրանոցների իրացումը բացառապես Մբապեի վերապահելու վերաբերյալ դժգոհությամբ։

Ֆրանսիական մամուլը նաեւ գրել էր, որ Մբապեն ակումբի ղեկավարությանը խնդրել է վաճառել Նեյմարին։

Ակումբի ղեկավարությունն ու մարզչական շտաբը կանցկացնի հանդիպում Մբապեի եւ Նեյմարի հետ եւ կքննարկի լարվածության պատճառները, հաղորդում է L’Équipe-ը։

Մբապեն ու նրա ներկայացուցիչները կարծում են, որ դա Նեյմարի խնդիրն է, եւ իր մասնակցությամբ քննարկման անհրաժեշտություն չկա։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։