Մեմֆիս Դեպայն անվճար կմիանա «Յուվենտուսին»

13:33   15 օգոստոսի, 2022

«Բարսելոնայի» եւ Նիդեռլանդների հավաքականի հարձակվող Մեմֆիս Դեպայն ազատ գործակալի կարգավիճակում կմիանա Թուրինի «Յուվենտուսին», հաղորդում է Mundo Deportivo-ն։ 28-ամյա ֆուտբոլիստի պայմանագրով նախատեսված է, որ այն կարող է խզվել, եթե կատալոնական թիմի գլխավոր մարզիչը փոխվի։

Մեմֆիս Դեպայը 2021-ին ֆրանսիական «Լիոնից» է տեղափոխվել «Բարսելոնան» հոլանդացի գլխավոր մարզիչ Ռոնալդ Կումանի օրոք։ Անցած տարվա նոյեմբերին նրան փոխարինել է իսպանացի Չավին, որը չի ցանկանում շարունակել համագործակցությունը Դեպայի հետ։

«Յուվենտուսում» Դեպայի տարեկան աշխատավարձը կկազմի 5-6 միլիոն եվրո։

Անցած մրցաշրջանում Դեպայը իսպանացի Չավիի գլխավորած թիմի հետ մասնակցել է 37 հանդիպման, խփել 13 գոլ, կատարել 2 գոլային փոխանցում։

Transfermarkt-ը Դեպայի տրանսֆերային արժեքը գնահատում է 35 միլիոն եվրո։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։