Իտալայի փոխչեմպիոն «Ինտերի» իտալացի գլխավոր մարզիչ Սիմոնե Ինձագին մեկնաբանել է 2:1 հաշվով հաղթանակը «Լեչեի» նկատմամբ Իտալիայի առաջնության մեկնարկային տուրում։ Հաղթական գոլը ավելացված 5-րդ րոպեին խփել էր հոլանդացի պաշտպան Դենզել Դյումֆրիսը։
«Ամբողջ սրտով ցանկանում էինք հաղթել։ Թիմը հավատում էր մինչեւ վերջին րոպեն, որ կարող է հաղթել, եւ դա ամենադրական պահն է այսօր։ Տղաներից գոհ եմ, բայց պետք է վերլուծել, թե ինչու 95-րդ րոպեին կորզեցինք հաղթանակ։
Փոխարինման դուրս եկած ֆուտբոլիստները շատ լավ խաղացին։ Հանդիպումն ավարտեցինք չորս հարձակվողներով։
Ակնհայտ է, որ «Ինտերի» նման թիմը ավելի շուտ պետք է վճռի հանդիպման հաղթական արդյունքը»,- Ինձագիի խոսքը մեջբերում է gazetta.it-ը։
Հիշեցնենք, որ Հայաստանի հավաքականի նախկին կիսապաշտպան Հենրիխ Մխիթարյանը «Ինտերի» պահեստայինների թվում էր եւ փոխարինման դուրս եկավ 58-րդ րոպեին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։