Ուկրաինայի առաջնության 12-րդ տուրում առաջատար Դոնեցկի «Շախտյորը» հյուրընկալեց «Իլիչեւեցին»: «Շախտյորի» ֆուտբոլիստները տարան իրենց 12-րդ անընդմեջ հաղթանակը: Հանդիպումն ավարտվեց 2:1 հաշվով:
Հաշիվը բացեց հյուրերի ֆուտբոլիստ Ռուսլան Ֆոմինը` 37-րդ րոպեին: Երկրորդ խաղակեսում «Շախտյորն» Իլսինյոյի եւ Տարաս Ստեպանենկոյի գոլերի շնորհիվ հաղթանակ տարավ:
Ուկրաինայի ընթացիկ առաջնության լավագույն ռմբարկու Հենրիխ Մխիթարյանը խաղադաշտ էր դուրս եկել «Շախտյորի» մեկնարկային կազմում եւ 84-րդ րոպեին ստացավ դեղին քարտ:
Այս հաղթանակից հետո «Շախտյորը» ունի 36 միավոր եւ 12 միավորով գերազանցում է Կիեւի «Դինամոյին» ու «Դնեպրին»:
Ուկրաինայի առաջնություն. 12-րդ տուր
«Շախտյոր» - «Իլիչեւեց»` 2:1
Իլսինյո, 48, Տարաս Ստեպանենկո, 53 – Ռուսլան Ֆոմին, 37
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։