«Քյոլնը» ոչ ոքի խաղաց «ՌԲ Լայպցիգի» հետ, Ադամյանը դուրս եկավ փոխարինման (տեսանյութ)

Գերմանիայի առաջնության երկրորդ տուրում «Քյոլն» հյուրընկալվեց «ՌԲ Լայպցիգին»։ Գրանցվեց ոչ ոքի՝ 2:2:

«Չելսիից» վերադառնալուց հետո առաջին գոլը խփեց «ՌԲ Լայպցիգի» գերմանացի հարձակվող Տիմո Վերները։ Դաշտի տերերի կազմում աչքի ընկավ նաեւ ֆրանսիացի կիսապաշտպան Կրիստոֆեր Նկունկուն։ Առաջին խաղակեսի ավելացված ժամանակում հեռացվեց «ՌԲ Լայպցիգի» հունգարացի կիսապաշտպան Դոմինիկ Սոբոսլաին։

«Քյոլնի» առաջին գոլը խփեց գերմանացի կիսապաշտպան Ֆլորիան Դիցը։ Երկրորդ գոլն էլ սեփական դարպասը խփեց «ՌԲ Լայպցիգի» խորվաթ պաշտպան Յոշկո Գվարդիոլը։

Հայաստանի հավաքականի հարձակվող Սարգիս Ադամյանը «Քյոլնի» պահեստայինների թվում էր եւ փոխարինման դուրս եկավ 73-րդ րոպեին։

«Քյոլնը» 4 միավորով ընթացիկ երկրորդ տեղում է, «ՌԲ Լայպցիգը» 2 միավորով 11-րդն է։

Գերմանիայի առաջնություն, երկրորդ տուր

«ՌԲ Լայպցիգ» - «Քյոլն»՝ 2:2 (տեսանյութ)

Տիմո Վերներ, 36, Կրիստոֆեր Նկունկու, 56  - Ֆլորիան Դից, 40,  Յոշկո Գվարդիոլ, 72, ինքնագոլ

Հեռացում՝ Դոմինիկ Սոբոսլաի («ՌԲ Լայպցիգ»), 45+1