Պատանեկան ԵԱ․ Սամվել Սիրամարգյանը մեկնարկեց հաղթանակով

21:23   12 օգոստոսի, 2022

Էրզրում քաղաքում ընթացող բռնցքամարտի Եվրոպայի պատանիների առաջնությունում Հայաստանի երկրորդ ներկայացուցիչը մեկնարկեց հաղթանակով։ 66 կգ քաշային Սամվել Սիրամարգյանը ոչ մի հնարավորություն չտվեց մոլդովացի մրցակցին՝ հաղթելով առաջին ռաունդում երկու նոկդաունի արդյունքում, հաղորդում է ՀԲՖ-ի մամուլի ծառայությունը։։

Ավելի վաղ 57 կգ քաշային Ալեն Ստեփանյանը գեղեցիկ հաղթանակ էր տարել Էստոնիան ներկայացնող Նիկիտա Կորսունովի նկատմամբ՝ 5։0։

Հայաստանը Թուրքիայում ներկայացնում է 15 տղա և 5 աղջիկ:

Տղաների 40 կգ քաշային կարգում ելույթ կունենա Վահրամ Դովլաթբեկյանը, 42 կգ-ում Էրիկ Ապերյանը, 44 կգ-ում՝ Սարգիս Թառլոյանը: 46 կգ քաշային կարգում հանդես կգա Հայկ Հովսեփյանը, 48 կգ քաշային կարգում՝ Արսեն Դարբինյանը, 50 կգ-ում՝ Տիգրան Հովսեփյանը , 52 կգ-ում՝ Մարտին Սահակյանը: 54 կգ քաշային կարգում ելույթ կունենա Ալեքս Պետրոսյանը,  60-ում՝ Արտյոմ Ստեփանյանը, 63 կգ-ում՝ Գագիկ Խաչատուրյանը, 70 կգ-ում՝ Հրաչ Խաչատրյանը, 75 կգ-ում՝ Հայկ Ղահրամանյանը,  80-ում՝ Րաֆֆի Խաչատրյանը:

Աղջիկների պայքարում Հայաստանը կներկայացնեն 38 կգ քաշային Լիաննա Ժամհարյանը, 40 կգ քաշային Անի Մխիթարյանը, 42 կգ քաշային Համեստ Աֆրիկյանը, 44 կգ քաշային Անահիտ Հարությունյանը և 54 կգ քշային Էլեն Պապյանը:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։