Ֆրանսիայի չեմպիոն ՊՍԺ-ի ֆրանսիացի գլխավոր մարզիչ Կրիստոֆ Գալտիեն հաստատել է, որ չի ցանկանում աշխատել 29-ամյա արգենտինացի հարձակվող Մաուրո Իկարդիի հետ։
Այս շաբաթ ֆուտբոլիստը չի մարզվել ընդհանուր խմբում։
«Մաուրոյին հայտնել եմ, որ մտադիր ենք կրճատել կազմը։ Ես չեմ ցանկանում աշխատել 25 դաշտային խաղացողների հետ։ Անհնար է այդքան շատ ֆուտբոլիստների պահել թիմում։
Նախորդ մրցաշրջաններում Մաուրոն շատ քիչ խաղաժամանակ է ունեցել։ Կարեւոր է, որ նա ավելի շատ խաղա։ Դրա համար նրան պետք է ավելի հարմար թիմ»,- Գալտիեի խոսքը մեջբերում է RMC Sport-ը։
Մաուրո Իկարդին հայտավորված չէր «Կլերմոնի» դեմ Ֆրանսիայի առաջնության առաջին տուրի խաղին։ ՊՍԺ-ն առավելության էր հասել 5:0 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։