Ռահիմ Ստերլինգ․ Ես այլեւս չէի կարող ժամանակ կորցնել

Անգլիայի չեմպիոն «Մանչեսթեր Սիթիից» Լոնդոնի «Չելսի» տեղափոխված Անգլիայի հավաքականի 27-ամյա կիսապաշտպան Ռահիմ Ստերլինգը պատմել է, թե ինչու է որոշել փոխել թիմը։

«Զգում էի, որ տարբեր հանգամանքների պատճառով իմ խաղաժամանակը «Մանչեսթեր Սիթիում» սահմանափակ է։ Ես այլեւս չէի կարող ժամանակ կորցնել։ Ինձ նոր մարտահրավեր էր պետք։

Ես մեկնարկային կազմի խաղացող եմ եղել 17 տարեկանից։ Երբ հասնում ես կարիերայիդ գագաթնակետին, չես կարող մշտական տեղ չունենալ մեկնարկում։ Ես միշտ ձգտում եմ պայքարել եւ փոխել պայմանները, բայց «Մանչեսթեր Սիթիում» դա անել չհաջողվեց։ Լոնդոն տեղափոխվելուց հետո ես հստակ գիտեմ, թե ինչ եմ ուզում ֆուտբոլից եւ կյանքից»,- Ստերլինգի խոսքը մեջբերում է Goal.com-ը։

Ստերլինգի պայմանագիրը «Չելսիի» հետ նախատեսված է մինչեւ 2027թ․ հունիս։